DGEMs

Maluk sira mak Kristu hadomi,

“Moris iha Fiar ne’ebé Auténtiku”: Evangelho ohin nian, Jesus haklaken, “Ita tenki halo tuir ita-nia promesa ba Maromak. Maibé, la bele halo promesa. Buat hotu ne’ebé ita presiza mak hatan ‘Sim’ se ita dehan sim, ‘Lae’ se ita dehan la’e.” Reflete; “ita auténtiku ka la’e iha ita-nia relasaun ho Maromak? Nia mak ita-nia Kriador, Salvador no ita-nia Maromak; la iha ema ida no buat seluk ne’ebé mak sai importansia iha ita-nia moris.”

Jesus liatun ba nia eskolante sira: “Imi mos rona uluk ema dehan ba bei ala sira: ‘Keta jura falsu, maibé halo tuir juramentu ne’ebé o jura iha Na’i.’ Maibé Ha'u dehan ba imi: ‘Imi la bele jura kona ba buat naran ida. Keta jura hodi lalehan basa ne’e Maromak nia kadunan; keta jura hodi rai, basa ne’e Na’i nia sama fatin; keta jura mos hodi Jerusalem, basa nia Liurai boot nia sidade. 

     Keta jura hodi o nia ulun, basa o la bele halo o nia fuuk lahan ida sai mutin ka metan. Maibé imi sei koalia hanesan ne'e: Nune'e, nune'e; la nune'e, la nune'e. Liu fali ne'e, mai housi ida ne’ebé aat.’”