DGEMs

Maluk sira mak Kristu hadomi,

“Ita-boot hadomi ha'u?” – Fiar: Iha Evangelho ohin nian, Jesus husu dala tolu ba Pedro, “Ó hadomi Ha’u ka la’e?” No bainhira Pedro hatán ‘sim’, Jesus haruka nia atu fó hahan (fó-han) ba Ninia bibi sira. Reflete; “Ita hadomi Jesus, pesoalmente hanesan Pedro? Oinsá ita fó sasin kona-bá Jesus nu’udar Mesias no Ninia Novidade Di’ak? Ita fó sasin kona-bá ita-nia fiar, esperansa no domin ba Jesus, loro-loron?

 Sira han hotu tiha, Jesus husu ba Simao Pedro: “Simao, Joao nia oan, o hadomi Ha’u liu fali sira ne’e?” Nia hatan: “Tebes, Na’i, Ita hatene katak ha’u hadomi Ita.” Jesus dehan ba nia: “Fo han Ha’u nia bibi oan sira.” 

           Dala ida tan Nia husu: “Simao, Joao nia oan, o hadomi Ha’u?” Pedro hatan: “Tebes duni, Na’i, Ita hatene katak ha’u hadomi Ita.” 

           Jesus dehan ba Nia: “Tau matan ba Ha’u nia bibi sira.” Ba dala tolu Nia husu: “Simao, Joao nia oan, o hadomi Ha’u?” Pedro neon sala tan Jesus husu dala tolu ona ba nia “O hadomi Ha’u?” Nia dehan ba Nia: “Na’i, Ita hatene buat hotu, Ita hatene katak ha’u hadomi Ita.” Jesus dehan ba Nia: “Fo han Ha’u nia bibi sira. Dehan tiha lia hirak ne’e, Jesus dehan ba nia: “Tuir Ha’u mai.”