DGEMs

Maluk sira mak Kristu hadomi,

“Jesus nia Misaun Aman nian” – Fiar: Iha Evangelho ohin nian, Jesus hasa’e orasaun agradesimentu ba Nia Aman; katak Nia eskolante sira “ikus mai” fiar iha Uniaun Divina entre Nia ho Nia Aman. Reflete; “Ita-nia fiar iha Jesus mak Prezente Divinu. Ita tenke simu buat hotu ne’ebé Jesus revela, nu’udar Liafuan Di’ak Salvasaun nian; maski bainhira ita la komprende ninia Lia-loos ho kle’an.

Dehan tiha liafuan hirak ne’e, Jesus foti matan ba lalehan dehan: “Aman, oras to’o ona mai. Fo gloria ba ita Oan Mane, atu ita Oan Mane bele fo gloria ba Ita; nudar Ita fo ona ba Nia kbiit atu ukun ema tomak, atu fo moris rohan laek ba sira hotu ne’ebé Ita tau iha nia liman. Ne’e mak moris rohan laek: hatene Ita nudar Maromak los mesak de’it, no Jesus Kristu ne’ebé Ita haruka mai.” 

          Ha’u hahi ona Ita iha rai hodi halo to’o rohan serbísu ne’ebé Ita haruka Ha’u atu halo. Aman, oras ne’e hahi fali Ha’u ba ho gloria ne’ebé Ha’u iha ho Ita, molok  mundu mosu mai.” Ha’u haklaken tiha Ita naran ba ema sira ne’ebé Ita haraik mai Ha’u housi mundu. Sira Ita nian no Ita fo sira mai Ha’u; sira moris tuir ona Ita nia liafuan. Oras ne’e sira hatene katak buat hotu ne’ebé Ita fo tiha mai Ha’u mai housi Ita, basa Ha’u haklaken tiha ba sira lia hirak ne’ebé Ita fo mai Ha’u. Sira simu ona lia hirak ne’e no hatene lo-los katak Ha’u mai housi Ita hodi fiar katak Ita mak haruka Ha’u mai.