DGEMs

Maluk sira mak Kristu hadomi,

“Susar sira iha mundu” – Fiar: Iha Evangelho ohin nian, Jesus haklaken katak, “Iha mundu imi sei hetan susar, maibé aten-barani ba: Ha’u manán ona mundu." Reflete; “Jesus ‘manán’ ona mundu nia aat no Satanás; liu husi Ninia kbi’it Divinu. Se ita fiar no tuir Jesus ho laran-metin, Espíritu Santu sei fó kbi’it mai ita atu ultrapasa/hakur liu ‘difikuldade’ hotu-hotu, hodi moris fiar iha Nia.

Eskolante sira dehan ba Jesus: “Oras ne’e Ita koalia mo-mos, la’os tan ho aiknanoik. Oras ne’e ami hatene katak Ita hatene buat hotu, no la presisa ema atu husu Ita. Tan ne’e ami fiar katak Ita mai housi Maromak.” 

            Jesus hatan ba sira: “Ohin imi fiar ona? Oras sei to’o mai, lo-los mai tiha ona, wainhira imi sei namkari ida-ida ba nia asuntu, no husik Ha’u mesak; maibé Ha’u sei la mesak, basa Aman hela hamutuk ho Ha’u. Ha’u fo hatene buat ne’e ba imi atu imi hetan dame. Iha mundu imi sei hetan susar barak; maibé imi aten berani ba, basa Ha’u manan tiha mundu.”