DGEMs

Maluk sira mak Kristu hadomi,

 “Hamutuk/unidade” – Fiar: Evangelho ohin nian, Jesus harohan ba Nia Aman iha lalehan, ba Nia eskolante sira hotu, atu experimenta no fó sasin kona-bá “unidade perfeita” Lia-loos nian; katak Nia mak Na’i no Messias. Reflete; “bainhira ita hanoin ho laran no kle’an tebes hamutuk ho Jesus, ita sei sai Espírito nia instrumentu sira ba Maromak nia unidade nian ho ema seluk, bainhira ita serbí Aman nia hakarak,”

Jesus foti matan ba lalehan no harohan: “Ha’u la harohan de’it ba sira ne’e, maibé mos ba sira ne’ebé sei fiar iha Ha’u tan sira ne’e nia liafuan; atu sira hotu sai ida de’it nudar Ita, Aman, horik iha Ha’u, no Ha’u iha Ita; atu sira mos hela iha Ita Na’in rua, nune’e mundu bele fiar katak Ita mak haruka Ha’u mai. 

             Ha’u fo ona ba sira gloria ne’ebé Ita fo mai Ha’u, atu sira sai ida de’it, nudar Ita Na’in rua ida de’it. Ha’u iha sira, no Ita iha Ha’u; atu sira laran ida de’it teb-tebes, nune’e mak mundu sei hatene katak Ita mak haruka Ha’u mai, no mos katak Ita hadomi sira nudar Ita hadomi Ha’u. 

              Aman, Ha’u hakarak katak sira mos ne’ebé Ita fo mai Ha’u, hela hamutuk ho Ha’u iha fatin ne’ebé Ha’u hela; atu sira bele hare Ha’u nia gloria ne’ebé Ita fo tiha mai Ha’u tan Ita hadomi Ha’u molok mundu hahu.