DGEMs

Maluk sira mak Kristu hadomi,

“Jesus haruka Ksolok-Nain” - Fiar: Iha Evangelho ohin, Jesus haklaken katak wainhira Nia sa’e ba Lalehan, Nia sei harukaKsolok-Nain atu hatudu imi Lialos de Salvasaun. Reflete: Ita iha afeksaun dezordenada ba ema sira ne’ebé ita hadomi, no triste wainhira sira mate? Sim, maibé wainhira sira mate iha fiar, sira sei tama Maromak Ninia ReinuKsolok Rohan Laek.”

Iha tempu nebá, Jesus lia tun ba eskolante sira dehan, “Oras ne’e, ha’u atu ba ona ba Ida ne’ebé haruka Ha’u mai, no imi ida la husu Ha’u: ‘Ita ba ne’ebé ?’ Maibé, tan Ha’u dehan buat hirak ne’e ba imi mak imi neon sala. Maibé Ha’u dehan lialos ba imi: di’ak liu ba imi katak Ha’u ba, basá Ha’u la ba karik, Ksolok Na’in sei la mai iha imi; maibé Ha’u ba karik, Ha’u sei haruka Nia ba imi. 

No wainhira Nia mai, Nia sei hatudu ba mundu kona-ba sala, kona-ba moris los no kona-ba tesi lia. Kona-ba sala, tan sira la fiar Ha’u; Kona-ba moris los, basá Ha’u ba Ha’u Aman no imi sei la haré Ha’u ona; kona-ba tesi lia, tamba sei tesi lia ona hasouru ukun na’in mundu ne’e nian.”