DGEMs

Maluk sira mak Kristu hadomi,

“Terus no Tribulasaun - Fiar iha Jesus”: Iha Evangelho ohin, Jesus fó-hatene katak ema sira ne’ebé rejeita Liafuan Di’ak Salvasaun “sei persege; nomós oho imi; no sira sei hanoin katak sira hasa’e glória ba Maromak.” Reflete: “Atu hala’o fiar hanesan Jesus ninia apóstolu sira, mak atu hein dezafiu difisil sira. Maibé, simu sira hanesan oportunidade atu krese iha maduridade fiar, esperansa no domin ba Jesus.

Iha tempu nebá, Jesus lia tun ba eskolante sira, dehan “Wainhira Ksolok Na’in mai, ne’ebé Ha’u sei haruka housi Aman, Espírito lialos nian ne’ebé mai housi Aman, Nia sei fó sasin kona-ba Ha’u; imi mós sei fó sasin, basá houri uluk kedas imi hamutuk ho Ha’u.” 

“Ha’u fó hatene ona buat hirak ne’e ba imi atu imi keta sidi. Sira sei duni sai imi housi sinagoga sira; maibé oras sei to’o mai wainhira ema ne’ebé oho imi sei hanoin katak nia hasa’e glória ba Maromak. Sira sei halo buat hirak ne’e tamba sira la hatene Aman, la hatene mós Ha’u. Maibé Ha’u dehan tiha buat hirak ne’e ba imi atu wainhira oras to’o mai ona, imi bele hanoin fali katak Ha’u hateten nanis ona ba imi. Ha’u la dehan buat sira ne’e ba imi houri uluk kedas basá iha tempo nebá Ha’u sei hela ho imi.”