5a Semana Tempu Páscoa: Sesta-feira, loron 23 fulan Maiu 2025, May 23, 2025
Reflection on the WORD
Maluk sira mak Kristu hadomi,
“Gratidaun ba Jesus” - Fiar: Iha Evangelho ohin, Jesus haklaken, “La’os imi mak fihir Ha’u; maibé, Ha’u mak fihir imi; no haruka imi ba no fó fuan; fuan ne’ebé hela ba nafatin.” Reflete: Ha’u ihagratidaun ba Jesus tan hili ha’u pessoalmente; atu serví iha Ninia misaun, atu fó fuan ne’ebé hela ba nafatin? Ka, ita-nia kompromissu ba Jesus, morna no baibain?”
João 15:12-17
Iha tempu nebá, Jesus lia tun ba eskolante sira dehan, “Ida ne’e mak Ha’u nia ukunfuan: imi sei hadomi malu nu’udar Ha’u hadomi tiha imi. Ema ida labele hadomi liu fali ema ne’ebé saran nia moris tan nia belun sira. Imi Ha’u nia belun sira wainhira imi halo tuir buat ne’ebé Ha’u haruka ba imi. Ha’u la bolu ona imi atan, basá atan la hatene nia na’in halo sa; maibé Ha’u bolu imi belun, tan Ha’u fó hatene ona ba imi lia hotu ne’ebé Ha’u rona housi Aman.
La’os imi mak fihir Ha’u, maibé Ha’u mak fihir imi, hodi haruka imi ba atu ba fó fuan, no imi nia fuan hela ba nafatin, nune’e buat hotu ne’ebé imi husu ba Aman hodi Ha’u naran, Nia sei haraik ba imi. Ha’u haruka imi: hadomi malu.”
Today's Pointers on God's Word
As you read the passage what words, phases or meanings caught your attention?
- Ita sei esperiensia Jesus ninia domin infinitu no íntimu, se imi (nu’udar Jesus promete) halo-tuir Jesus Ninia ukunfuan, Ha’u la bolu ona imi atan ... maibé belun.
- Jesus mos promete atu fo-hatene buat hotu ne’ebe Nia aprende husi Aman Maromak. Ne’e signifika se ita moris iha Maromak ninia hakaran, ita sei esperiensia Maromak Ninia misteriu manifesta iha ita-nia moris. Laiha grasa boot liu tan esperiensia espiritual ho Maromak. Nune’e, bele koko moris rohan laek.
-
Kada ita Maromak dezafia ho Espírito Kristu Moris Hias nian ne’ebé horik iha ita atu sai sasin ba lialos liu-husi moris-tuir lolos no fiél atu nune’e ema hotu sei hatene Maromak domin nain no sai Ninia belun.