5a Semana Tempu Páscoa: Kinta-feira, loron 22 fulan Maiu 2025, May 22, 2025

Reflection on the WORD

Maluk sira mak Kristu hadomi,

“Hela iha Ha’u-nia Domin” - Fiar: Iha Evangelho ohin, Jesus haklaken, “Ha’u hadomi imi. Imi halo-tuirHa’u-nia Ukunfuan sira karik, imi sei hela iha Ha’u-nia Domin.” Reflete: “Jesus promete ita katak Nia hadomi ita. Ita deveser senti ksolok boot no esperansa; no ita-nia resposta deveser atu hadomi fali Nia klean liu. Jesus ninia Ukunfuan sira mak maneira ne’ebé ita bele hadomi Nia kleanliu.”

João 15:9-11

Iha tempu nebá, Jesus lia tun ba eskolante sira dehan, “Nu’udar Aman hadomi Ha’u, nune’e mós Ha’u hadomi imi; hela iha Ha’u nia domin ba. Imi halo-tuir Ha’u nia ukunfuan sira karik, imi sei hela iha Ha’u nia domin; nu’udar Ha’u mós halo tuir Ha’u Aman nia ukunfuan sira no hela iha Nia domin.” “Ha’u dehan sai lia hirak ne’e ba imi atu Ha’u nia ksolok hela iha imi no imi nia ksolok sai lolos.

Today's Pointers on God's Word

As you read the passage what words, phases or meanings caught your attention?

  • Jesus dezeja ita atu la’o-tuir Maromak Ninia ukunfuan sira tanba Nia hakarak ita atu esperiensia ksolok lolos iha ita-nia moris. Ita bele hetan ksolok liu-husi la’o-tuir Maromak Ninia ukunfuan sira. 
  • Liu-husi Maromak ninia lei atu hadomi Nia ho fuan, neon, no klamar tomak no atu hadomi ema seluk hanesan ita an rasik, nu’udar Jesus, Maromak Oan hatudu no hanorin ona ita. Nune’e, ita sei hala’o moris lolos. 
  • Se ita bele moris autentiku nu’udar Maromak dezeja ba ita, ita sertamente deskobre ksolok boot iha Maromak Ninia prezensa iha ita-nia esperiensia lorloron hadomi Nia liu-husi ita-nia maneira domin, atensaun, no tulun ema sira ne’ebé presiza liu.