DGEMs

Maluk sira mak Kristu hadomi,

“Jesus mak uvas hun” - Fiar: Jesus haklaken, “Ha’u mak uvas hun, imi sanak sira. Ema ne’ebé hela iha Ha’u; Ha’u iha imi, ema ne’e fó fuan barak; haketak husi Ha’u imi labele fo fuan mesa-mesak.” Reflete: Laiha tan Lialos boot liu ne’e. Nu’udar ema, ita fraku, monu ba salan, limitadu no inseguru. Jesus mak ita-nia Seguransa boot liu hotu no Satisfasaun iha moris.”

Iha tempu nebá, Jesus lia tun ba eskolante sira dehan, “Ha’u mak uvas hun lolos, Ha’u Aman mak to’os na’in. Sanak hotu ne’ebé la fó fuan Nia hasai tiha, no sanak ne’ebé fó fuan Nia hamos di-diak atu fó fuan liu tan. Imi mós ona tamba liafuan ne’ebé Ha’u hateten ona ba imi. Hela iha Ha’u ba, no Ha’u iha imi. Nu’udar uvas sanak ne’ebé haketak housi hun labele fó fuan mesa-mesak, nune’e mós imi, wainhira imi la hela iha Ha’u. 

Ha’u mak uvas hun, imi sanak sira; ema ne’ebé hela iha Ha’u no Ha’u iha nia, ema ne’e fó fuan barak; basá la hodi Ha’u, imi labele halo buat ida. Maibé imi hela iha Ha’u karik, no Ha’u nia liafuan hela iha imi, husu buat ne’ebé imi hakarak ba, no sei fó duni ba imi. Iha ne’e mak Ha’u Aman hetan glória: katak imi fó fuan barak hodi sai Ha’u nia eskolante sira.