5a Semana Tempu Páscoa: Tersa-feira, loron 20 fulan Maiu 2025, May 20, 2025

Reflection on the WORD

Maluk sira mak Kristu hadomi,

“Jesus ninia damen” - Fiar: Iha Evangelho ohin, Jesus haklaken, “Ha’u husik Ha’u nia damen ba imi; damen ne’ebé mundu labele fó”. Reflete: Rekolla imi-nia esperiensia damen no ksolok espiritual husi Jesus ne’ebé klean. Damen emosional sei mohu no lakon lalais. Maibé, Jesus ninia damen transforma ita ho Domin Divinu no Esperansa.”

João 14:27-31a

Iha tempu nebá, Jesus ninia lia tun ba eskolante sira dehan, “Dame Ha’u husik ba imi, Ha’u nia dame Ha’u fó ba imi; la’os hanesan mundu fó mak Ha’u fó ba imi. Keta laran susar ba; keta tauk ba. Imi rona katak Ha’u hateten ona ba imi: ‘Ha’u ba, no Ha’u sei fila fali ba imi.’ Imi hadomi tiha Ha’u karik, imi sei haksolok tan Ha’u ba Ha’u Aman, basá Aman boot liu fali Ha’u. 

Ha’u hateten sai buat ne’e kedas ba imi molok nia mosu, atu wainhira nia mosu, imi fiar. Ha’u sei la hateten tan buat barak ba imi, basá ukun na’in mundu ne’e nian mai dau-daun ona. Nia laiha kbiit atu ukun Ha’u; maibé atu mundu bele hatene katak Ha’u hadomi Aman, no oin sa  Aman haruka Ha’u, nune’e mak Ha’u halo. 

Today's Pointers on God's Word

As you read the passage what words, phases or meanings caught your attention?

  • Nu’udar Jesus fahe malu ho Ninia eskolante sira, Nia haraik ba sira Ninia prezente dame, dame ne’ebé mundu labele fó” basá dame ne’e dame divinu no horik tinan ba tinan. Maromak de’it mak bele fó dame nune’e. 
  • Maibé, antes sira esperiensia dame divinu rohan laek ne’ebé Jesus haktuir katak Nia sei hasoru paixaun no mate antes Ninia moris hias. 
  • Nu’udar Jesus sei hasoru terus atu halo-tuir planu husi Ninia Aman ba ita-nia salvasaun, ita mós simu konvite atu permiti paixaun, mate no moris hias hola-parte iha ita-nia fuan sira no moris lorloron. Wainhira Espírito bele kria mudansa iha ita, ita sei esperiensia dame divinu ne’ebé Jesus promete ita iha tempu prezente.