DGEMs

Maluk sira mak Kristu hadomi,

“Espírito Santo nu’udar Ksolok-Nain” - Fiar: Iha Evangelho ohin, Jesus haklaken, “Ksolok-Nain; Espírito Santo; sei hanorin imi buat hotu-hotu no halo imi hanoin fali buat tomak ne’ebé Ha’uhateten ona ba imi.” Reflete: “Wainhira ita dezeja atu hala’o ita-nia fiarho sinceridade, Espírito Santo sei fó-roman, enkoraza no hakbiit ita. Ita konsiente ho Lialos no realidade ne’e iha ita-nia fiar?”

Iha tempu nebá, Jesus lia tun ba ninia eskolante sira dehan, “Ema ne’ebé simu hodi halo tuir Ha’u nia ukunfuan, nia mak hadomi Ha’u; no ema ne’ebé hadomi Ha’u, Ha’u Aman sei hadomi nia; no Ha’u sei hadomi nia hodi hatudu ba nia Ha’u An rasik.  Jesus hatan dehan ba nia: “Ema ne’ebé hadomi Ha’u sei halo tuir Ha’u liafuan, no Ha’u Aman sei hadomi nia; Ami sei mai iha nia, hodi horik ho nia. Ema ne’ebé la hadomi Ha’u la halo tuir Ha’u nia liafuan; no liafuan ne’ebé imi rona dau-daun  la’os Ha’u nian, maibé mai housi Aman ne’ebé haruka Ha’u mai.” “Ha’u hateten lia hirak ne’e ba imi wainhira Ha’u sei hela ho imi; maibé Ksolok Na’in, katak Espírito Santo, ne’ebé Aman sei haruka hodi Ha’u nia naran, sei hanorin imi buat hothotu, hodi halo imi hanoin fali buat tomak ne’ebé Ha’u hateten ona ba imi.