DGEMs

Maluk sira mak Kristu hadomi,

“Jesus glorifika Ninia Aman” - Fiar: Iha Evangelho ohin, Jesus haklaken katak Nia sei glorifika NiniaAman, liu-husi Ninia Terus no Mate. Ita glorifika Maromak Aman, liu-husi ita-nia domin ba malu; no ema seluk sei hatene ita nu’udar Jesus ninia eskolante sira.” Reflete: “Ita hadomi Maromak ita-niaAman, liu-husi halo-tuir Ninia Hakaran hodi obedese ba Jesus ninia hanorin no moris; iha Espírito Santo.”

Iha tempu nebá, sira sei han dadaun Páscoa nian, Judas sai tiha, Jesus dehan: “Ohin Oan Mane simu tiha glória, no Maromak sei simu glória iha Nia. Maromak simu karik glória iha Nia, Maromak mós sei fó glória ba Nia iha Nia An rasik no sei fó glória kedas ba Nia. Kosok oan sira, tempu uitoan de’it ona mak Ha’u sei hela ho imi. Imi sei buka Ha’u, no hanesan Ha’u dehan ona ba Judeu sira, ohin Ha’u dehan mós ba imi: ‘Ba fatin ne’ebé Ha’u sei ba, imi labele ba.’ 

Ha’u fó ba imi ukunfuan foun: imi sei hadomi malu; nu’udar Ha’u hadomi imi, nune’e mós imi sei hadomi malu. Nune’e mak ema hotu sei hatene katak imi Ha’u nia eskolante sira: wainhira imi hadomi malu.”