DGEMs

Maluk sira mak Kristu hadomi,

“Prezente Moris Rohan Laek” - Fiar: Iha Evangelho ohin, Jesus haklaken,”Ba bibi sira ne’ebé pertense mai Ha’u, Ha’u fó ba sira moris rohan laek; sira sei la lakon ba nafatin.” Reflete: Jesus garante Ninia prezente Moris Rohan Laek mak ksolok espiritual ne’ebé fó-hanoin ita atu agradese ba Ninia Prezente Divinu. Ita tenki haburas prezente ne’e ho fidelidade, korazen no haraik-an.”

Iha tempu nebá, iha Jerusalem sira halo dau-daun festa dedikasaun templu nian iha tempu malirin. Iha templu, Jesus la’o iha portiku Salomão nian. Judeu sira haleu Nia hodi husu: “To’o wainhira O sei husik ami iha nakukun laran? O mak Messias karik, hateten los kedas mai ami.” 

Jesus hatan ba sira: “Ha’u hateten ona ba imi, maibé imi la fiar. Hahalok sira nebe Ha’u halo hodi Ha’u Aman nia naran fó sasin kona-ba Ha’u, maibé imi la fiar, basá imi la’os Ha’u nia bibi sira. Ha’u nia bibi sira rona Ha’u nia lia; Ha’u hatene sira, no sira tuir Ha’u. Ha’u fó ba sira moris rohan laek. Sira la lakon ba nafatin, no ema ida sei la hadau sira housi Ha’u nia liman. Ha’u Aman, nebe fo sira mai Ha’u, Nia boot liu hotu; no ema ida labele hadau sira housi Aman nia liman. Aman ho Ha’u ida de’it.”