DGEMs

Maluk sira mak Kristu hadomi,

“Jesus Ninia Isin no Ran” - Fiar: Iha Evangelho ohin, Jesus haklaken, “Imi han karik Ha’u Isin no hemu Ha’u Ran imi hetan moris rohan laek, no ha’u sei halo nia moris hias iha loron ikus.” Reflete: Lialos precioza ida ne’e kona-ba Eukarístia klaru loos. Harohan ba grasa atu valoriza Lialos ne’e klean liu tan.” No, ita-nia moris sei nakonu ho ksolok no esperansa.”

Ema Judeu sira hahú haksesuk malu dehan: “Oin sa mak Nia bele fó nia isin mai ita atu han?” Jesus hatan ba sira: “Tebes, tebes, Ha’u dehan tebes ba imi: imi la han karik Oan Mane nia isin, imi la hemu karik nia ran, imi sei la hetan moris iha imi. Ema ne’ebé han Ha’u nia isin no hemu Ha’u nia ran hetan moris rohan laek, no Ha’u sei halo nia moris hi’as iha loron ikus. Basá Ha’u nia isin aihan duni, Ha’u nia ran tua duni. 

Ema nebe han Ha’u nia isin no hemu Ha’u nia ran horik iha Ha’u, no Ha’u horik iha nia. Nu’udar Ha’u Aman ne’ebé moris haruka Ha’u mai, no Ha’u moris tamba Aman, nune’e mós ema ne’ebé han Ha’u, sei moris tamba Ha’u. Ne’e mak paun ne’ebé tun mai housi lalehan; la’os hanesan ida ne’ebé imi nia aman sira han, hafoin sira mate hotu; ema ne’ebé han paun ne’e sei moris ba nafatin.” Jesus hateten lia hirak ne’e iha sinagoga wainhira nia hanorin iha Kafarnaum.