DGEMs

Maluk sira mak Kristu hadomi,

“Maromak ita-nia Aman no Oan” - Fiar: Iha Evangelho ohin, Jesus haklaken, “Ema hotu ne’ebé rona husi Aman hodi aprende husi Nia, ema ne’e hakbesik Ha’u. No ema ne’ebé fiar hetan Moris Rohan Laek.” Reflete: Ita buka Maromak ita-nia Aman ninia hakaran no dalan sira lorloron? Oinsa ita-nia esperiensia hakbesik ba Ninia Oan, Messias, liu-husi Espírito Santo?”

Jesus lia tun ba ema lubun wain, “Ema ida labele hakbesik Ha’u wainhira Ha’u Aman ne’ebé haruka Ha’u mai la dada nia; no Ha’u sei halo ema ne’e moris hi’as iha loron ikus.  Hakerek nanis ona iha Profeta sira: ‘Maromak sei hanorin sira hotu. Ema hotu ne’ebé rona housi Aman hodi aprende housi Nia, ema ne’e hakbesik Ha’u. Ema ida seidauk haré Aman. Ida ne’ebé mai housi Maromak, Nia deit mak haré ona Aman. 

Tebes, tebes, Ha’u dehan ba imi: ema ne’ebé fiar hetan moris rohan laek. Ha’u mak paun moris nian. Imi nia bei ala sira han mana iha rai fuik maran, no sira mate ona. Ne’e mak paun ne’ebé tun housi lalehan, atu ema ne’ebé han paun ne’e sei la mate. Ha’u mak paun moris nian ne’ebé tun mai housi lalehan. Ema ne’ebé han paun ne’e, nia sei moris ba nafatin; no paun ne’ebé Ha’u sei fo mak Ha’u nia isin rasik, saran ba mundu nia moris.”