DGEMs

Maluk sira mak Kristu hadomi,

“Jesus hadomi ema hotu-hotu” - Fiar: Iha Evangelho ohin, Jesus haklaken, “Ha’u sei la duni sai imi ba liur sira ne’ebé hakbesik Ha’u. Ha’u nia Aman nia hakaran mak Ha’u keta lakon ema ida Aman fó mai; no sira sei iha Moris Rohan Laek.” Reflete: Jesus hadomi ema ida-ida no hakarak atu ita simu Ksolok Rohan Laek. Ita hala’o moris superficia iha fantazia ne’ebe laiha satisfasaun?”

Jesus hatan ba sira: “Ha’u mak paun moris nian. Ema ne’ebé hakbesik Ha’u sei la hamlaha tan; no ema ne’ebé fiar iha Ha’u sei la hamrook tan maibé Ha’u dehan ona ba imi katak maski imi haré tiha Ha’u, imi la fiar. Sira hotu ne’ebé Aman fo mai Ha’u, sei hakbesik Ha’u; no ida ne’ebé hakbesik Ha’u, Ha’u sei la duni sai ba liur. Basa Ha’u tun mai housi lalehan la’os atu halo Ha’u nia hakarak, maibé Ida ne’ebé haruka Ha’u mai nia hakarak.

No Ida ne’ebé haruka Ha’u mai nia hakarak mak ida ne’e: katak Ha’u keta lakon ema ne’ebé Nia fo tiha mai Ha’u, maibé halo nia moris hi’as iha loron ikus. Basá Ha’u nia Aman nia hakarak mak ida ne’e: katak ema ida-ida ne’ebé haré Oan Mane hodi fiar iha Nia hetan moris rohan laek; no Ha’u sei halo nia moris hi’as iha loron ikus.”