DGEMs

Maluk sira mak Kristu hadomi,

“Buka Jesus ho sinceriedade” - Fiar: Iha Evangelho ohin, ema lubun boot buka Jesus, ba benefisiu material no an rasik, no la’os ba Lialos Salvasaun nian. Reflete: Jesus haklaken katak wainhira ita buka no fiar iha Nia; Nia sei oferese mai ita prezenti sira ne’ebé dura ba Moris Rohan Laek’. Maibé, ita preokupadu ho rikusoin, prazer, no glória mundu nian?”

Iha tempu neba tuir loron haua’in paun no ikan nian, ema barak sei hela iha Tasi Tiberiades ninia sorin balun ba. Sira haré katak Jesus laiha ona nebá, nia eskolante sira mos la’e, sira sa’e ro hodi ba Kafarnaum atu buka Jesus. Hetan tiha Nia iha tasi sorin balun ba, sira hateten ba Nia: “Mestre, wainhira mak Ita boot to’o iha ne’e?” 

Jesus hatan ba sira dehan: “Tebes, tebes, Ha’u dehan ba imi: imi buka Ha’u la’os tan imi haré milagre sira, maibé tan imi han paun to’o bosu. Keta haka’as an atu hetan aihan ne’ebé mohu, maibé aihan ne’ebé hela ba moris rohan laek; ne’ebé Oan Mane sei haraik ba imi. Basá ba Nia mak Aman Maromak tau nia marka.” 

Sira hatan ba Nia dehan: “Ami sei halo sa los atu halo Maromak nia serbisu?” Jesus lia tun ba sira: “Maromak nia serbisu mak ida ne’e: imi fiar Ida ne’ebé Nia haruka mai.”