DGEMs

Maluk sira mak Kristu hadomi,

“Hadomi Jesus - Servi”: Wainhira Pedro dehan nia hadomi Jesus, Jesus husu Pedro atu tau-matanba ninia bibi sira. Reflete: “Domin jenuinahatudu iha hahalok. Pedro ninia sasin ate mate tan ninia fiariha Jesus, hatudu ninia domin klean ba Jesus. Oinsa ita fó-sasin ita-nia domin ba Jesus?” Ita iha domin ne’ebé sentraliza ba an” até prevene ita atu hadomi Jesusklean liu?”

Iha tempu nebá, Jesus mosu dala ida tan ba eskolante sira iha tasi ibun Tiberiades. Nia mosu nune’e: Sira han hotu tiha, Jesus husu ba Simão Pedro: “Simão , João nia oan, o hadomi Ha’u liu fali sira ne’e?” Nia hatan: “Tebes, Na’i, Ita hatene katak ha’u hadomi Ita.” Jesus dehan ba nia: “Fó han Ha’u nia bibi oan sira.” 

Dala ida tan Jesus husu: “Simão, João nia oan, o hadomi Ha’u?” Pedro hatan: “Tebes duni, Na’i, Ita hatene katak ha’u hadomi Ita.” Jesus dehan ba Nia: “Tau matan ba Ha’u nia bibi sira.” 

Ba dala tolu Nia husu: “Simão, João nia oan, o hadomi Ha’u?” Pedro neon sala tan Jesus husu dala tolu ona ba nia “O hadomi Ha’u?” Nia dehan ba Nia: “Na’i, Ita hatene buat hotu, Ita hatene katak ha’u hadomi Ita.” Jesus dehan ba Nia: “Fó han Ha’u nia bibi sira. Tebes, tebes, Ha’u dehan ba o: wainhira o sei klosan, o rasik mak hatais an hodi la’o ba fatin ne’ebé o hakarak; maibé wainhira o katuas ona, o sei lolo liman no ema seluk sei fó hatais o hodi lori o ba fatin ne’ebé o lakohi.”Nia koalia nune’e atu fó sai oin sa Pedro sei mate hodi fó glória ba Maromak. Dehan tiha lia hirak ne’e, Jesus dehan ba nia: “Tuir Ha’u mai.”