DGEMs

Maluk sira mak Kristu hadomi,

“Maromak ita-nia Aman no Oan” - Fiar: Iha Evangelho ohin, Jesus haklaken, “Ema ruma ne’ebé haré Ha’u, haré ona Aman Maromak. Reflete: Jesus ninia revelasaun garantia ita katak Maromak ita Aman, ne’ebé kria buat hotu-hotu, unidu inseparadu ho Ninia Oan; ita-nia Maksoin. Ita-nia prezente fiar, esperansa, no domin mak prezente preciozu iha ita-nia moris.

Jesus hateten ba Tomé: “Ha’u ne’e dalan, lialos no moris. Ema ida la liu karik housi Ha’u, nia labele hakbesik Ha’u Aman. Imi hatene ona Ha’u karik, imi hatene ona mós Ha’u Aman. Houri ohin ba oin, imi hatene ona Nia no haré ona Nia.” 

Filipe husu ba Jesus: “Na’i, hatudu Aman mai ami; ne’e to’o ona mai ami.” 

Jesus dehan ba nia: “Ha’u hela kleur ona ho imi, Filipe, no imi seidauk hatene Ha’u? Ema ne’ebé haré ona Ha’u, haré ona mós Ha’u Aman. Nusa mak o dehan: ‘Hatudu Aman mai ami?' O la fiar katak Ha’u hela iha Aman no Aman hela iha Ha’u? Liafuan hirak ne’ebé Ha’u dehan ba imi, Ha’u la dehan hodi Ha’u an rasik. Ha’u Aman ne’ebé hela iha Ha’u mak halo Nia hahalok.

Buat naran de’it ne’ebé imi husu hodi Ha’u nia naran, Ha’u sei halo, atu Aman hetan glória iha Oan Mane; imi husu karik buat ida hodi Ha’u nia naran, Ha’u sei halo.”