DGEMs

Maluk sira mak Kristu hadomi,

“Milagre multiplikasaun paun” - Fiar: Iha Evangelho ohin, mane rihun limahamlaha, no apóstolu sira-nia kbiit laek. Sira husu Jesus atu haruka ema sira ne’e fila. Maibé, Jesus multiplika paun fuan lima no ikan rua no fó-han sira. Reflete: “Jesus bele rezolve problema humana hotu-hotu. Ita-nia konfiansa iha Jesus klean ka ita iha dúvida fasilmente wainhira ita hasoru aflisaun?

Jesus foti tiha matan hodi har katak ema lubun boot mai hasouru  Nia, Jesus dehan ba Filipe: “Ita sosa paun iha ne’ebé los atu ema sira ne’e bele han?” Jesus koalia nune’e atu koko nia, basá Nia hatene ona atu halo sa. Filipe hatan ba Nia:” Paun osan atus rua nian mós sei la to’o atu ema ida-ida simu paun baluk oan ida.” 

 Nia eskolante ida, André, Simão Pedro nia alin, hateten ba Nia. “Iha ne’e, iha labarik oan ida ho paun fuan lima no ikan rua; maibé ne’e to’o oin sa los ba ema barak ne’e?” Jesus lia tun, dehan: “Haruka mane sira ne’e tur hotu.” Iha fatin neba iha du’ut barak. Mane sira besik rihun lima tur tiha hotu. Kaer tiha paun, Jesus fó agradese, hodi fahe ba ema sira ne’ebé tur iha neba; Nia halo mós nune’e ho ikan sira. Sira han to’o sira hakarak.