2a Semana iha Tempu Páscoa: Segunda-feira, loron 28 fulan Abril 2025, April 28, 2025
Reflection on the WORD
Maluk sira mak Kristu hadomi,
“Moris husi Espírito” - Fiar: Iha Evangelho ohin, Jesus haklaken ba Nicodemos , “Ema tenki moris liu-husi bee no Espírito...atu hare Maromak ninia Reino.” Reflete: “Maromak oferece Grasa Salvasaun liu-husi Sakramentu Batizmu no Konfessa. Ne’e mak ita-nia identidade lolos nu’udar Maromak oan; no ita-nia missaun fo-sasin kona-ba Liafuan Di’ak iha ita-nia moris.”
João 3:1-7
Iha fariseu ida naran Nicodemos, emboot ida Judeu sira nian. Iha kalan nia mai koalia ho Jesus, dehan: “Rabbi, ami hatene katak Ita boot mai housi Maromak nu’udar mestre, tan ema ida la bele halo sinal sira ne’ebé Ita halo wainhira Maromak la hela ho nia.” Jesus hatan ba nia dehan: “Tebes, tebes, Ha’u dehan ba o katak ema la moris fali karik, nia la bele haré Maromak nia reinu.”
Nicodemos hateten ba Nia: “Oin sa ema katuas ida bele moris fali? Nia bele tama fali iha inan nia laran atu moris hikas?”
Jesus hatan ba nia: “Tebes, tebes, Ha’u dehan ba o: ema la moris housi be no Espírito karik, nia la bele tama iha Maromak nia reinu. Buat ne’ebé moris housi isin, isin nian; no buat nebe moris housi Espírito, Espírito nian. Keta hakfodak tamba Ha’u dehan ba o, ‘Imi ten ke moris fali housi leten.’
Today's Pointers on God's Word
As you read the passage what words, phases or meanings caught your attention?
- Nicodemos, Farizeu ida, sinceramente buka Lialos kona-ba Messias wainhira nia hakbesik-an ba Jesus.
- Maibe, nia laiha grasa fiar atu simu katak Jesus mak Maromak Oan. Ninia neon iha prekonseitu ho konesimentu judaiku no ninia fuan toos ate Jesus ninia Lialos labele fo-roman ba ninia neon no tama iha ninia fuan.
-
Ita iha prekonseitu ruma ne’ebe kontinua taka ita ba Lialos kona-ba Jesus no Liafuan Di’ak Salvasaun? Reflete kona-ba oinsa ita bele haklean ita-nia domin ba Jesus, ita-nia Maromak no Maksoin.