Oitava Páscoa: Sábado, loron 26 fulan Abril 2025, April 26, 2025
Reflection on the WORD
Maluk sira mak Kristu hadomi,
“Dúvida kona-ba Resurreisaun”- Fiar: Iha Evangelho ohin, Na’i siak apóstolu sira-nia fiar la’ek ba Ninia moris hias. Reflete: “Ita fiar katak Kristu manan ona salan no mate. Maibé, ita sei nafatin iha afeksaun no fixadu ba mundu materialistiku no ita-nia glorifika an. Harohan ba Maromak niniasabedoria atu passa moris ba Kristu Ressucitadu.”
Mc. 16:9-15
Moris hi’as tiha ona iha dadersan loron uluk semana nian, Jesus mosu uluk knanain ba Maria Madalena, ida housi ne’ebé Nia duni sai diabu na'in hitu. Tuir mai, feto ne'e fó hatene ba sira ne’ebé la'o hamutuk ho Nia; sira ne'e laran nakraik hodi tanis. Sira rona katak Jesus moris ona no Maria haré Nia, maibé sira la fiar.
Buat hirak ne’e hotu tiha, Jesus mosu mos ho lalenok seluk ba ema na'in rua ne’ebé la'o dau-daun ba to’os. Sira ne'e fó hatene ba sira seluk, maibé sira la fiar mos sira ne'e. Ikus mai, wainhira sira sanulu resin ida tur dau-daun iha meja, Nia mosu hodi si’ak sira nia fiar la’ek no ulun fatuk tos, basa sira la fiar sira ne’ebé hare Nia moris hi’as ona. Nia dehan ba sira, “La’o ba mundu tomak ba, haklaken liafuan di’ak ba buat hot-hotu.
Today's Pointers on God's Word
As you read the passage what words, phases or meanings caught your attention?
- Kristu ninia Espírito Moris Hias sempre iha ita-nia fuan sira atu proteje ita husi perigo, dirije ita besik liu ba Ninia Aman no inspira ita atu moris centraliza iha Kristu.
- Ne’e mak Maromak Ninia lalaok hadomi ita, maibé ita normalmente hadook an husi Nia liu-husi ita-nia desizaun ne’ebe centraliza an iha ita-nia moris lorloron.
-
Nu’udar Kristaun, ita-nia knaar labele remata iha Jesus ninia moris hias. Nu’udar Maromak ninia eskolante, ita presiza haklaken Ninia liafuan no lori ema barak hatene Nia liu-husi sasin iha aksaun domin no hahalok di’ak.