DGEMs

Maluk mak Kristu hadomi,

“Milagre husi Kristu nia Moris Hias” - Fiar: Iha Evangelho ohin, besik tasi Tiberiades, Kristu Ressucitadu halo milagre kaer ikan boot no han matabisu ho Ninia apóstolu sira. Reflete: “Kontempla kona-ba cena ne’e, no senti didi’ak ita-nia enkontru no dada-lia ho Jesus Ressuscitadu. Loke ita-nia neon no fuan sira ba Jesus ninia Realidade Divina.”

Jesus hatudu An dala ida tan besik tasi Tiberiades. Nia mosu nune’e. Simão Pedro hateten ba sira: “Ha’u ba kaer ikan.” Sira dehan ba nia: “Ami mos ba hotu ho o.” Sira sai no sae ba ro, maibé iha kalan neba sira la hetan ikan ida. Iha rai hun mutin, Jesus hamriik iha tasi ibun; maibé eskolante sira la hatene katak Nia mak Jesus. 

Jesus dehan ba sira: “Labarik sira, imi iha buat ruma atu han?” Sira hatan: “La iha” Nia simu fali: “Soe imi nia dai ba ro nia sorin kuana no imi sei hetan.” Ne’e duni, sira soe dai, hafoin sira labele dada mai, tan ikan barak liu. Jesus dehan ba sira: “Mai han.” Eskolante sira ida mos la berani atu husu ba Nia “Ita se los?” tan sira hatene katak Nia mak Na’i. Jesus hakbesik, kaer paun hodi fo ba sira; nune’e mos ho ikan. Ne’e ba dala tolu ona mak Jesus mosu ba nia eskolante sira, liu tiha Nia moris hi’as housi mate.