DGEMs

Maluk sira mak Kristu hadomi,

“Kristu Moris Hias - Assensaun”: Iha Evangelho ohin, wainhira Maria hasoru Jesus, Nia dehan ba Maria, “Keta kona netik Ha’u, tan Ha’u seidauk sa’e ba Aman...dehan ba Ha’u nia maun alin sira.” Reflete: “Jesus ninia Ressureissaun manan salan no mate. Maibé, Ninia Assensaun ba lalehan loke odomatan lalehan ba fiar-nain sira. Ita deveser haksolok?”

Maria fali hamriik besik rate iha liur hodi tanis. Nia sei tanis hela, nia hakru’uk hodi hateke ba rate laran. Nia haré anju na’in rua hatais mutin tur iha fatin ne’ebé sira tau Jesus nia isin, ida iha ulun, ida iha ain. Sira dehan: “Feto, tansa o tanis?” Nia hatan ba sira: “Basa ema lori tiha ha’u nia Na’i no ha’u la hatene sira tau Nia iha ne’ebé.” 

Dehan tiha liafuan hirak ne’e, nia fila ba kotuk hodi haré Jesus hamriik iha neba, maibé nia la hatene katak ne’e Jesus. Jesus dehan ba nia, “Feto, tansa o tanis? O buka se?” Hanoin katak Nia mak to’os na’in, Maria husu fali: “na’i, ita lori Nia karik, hateten to’ok mai ha’u ita tau Nia iha ne’ebé atu ha’u bele ba lori Nia.” Jesus dehan: “Maria!” Nia fila hodi dehan ba Jesus iha lia ema Ebreu nian: “Rabboni!” katak Mestre. Jesus dehan ba nia: “Keta kona netik Ha’u, tan Ha’u seidauk sa’e ba Aman. Maibé ba hasouru Ha’u nia maun alin sira hodi dehan ba sira: Ha’u sa’e ba Ha’u nia Aman no imi nia Aman; ba Ha’u nia Maromak no imi nia Maromak.”