Domingo Páscoa: loron 20 fulan Abril 2025, April 20, 2025

Reflection on the WORD

Maluk sira mak Kristu hadomi,

Kristu Ninia Moris Hias - Fiar: Iha Evangelho ohin, Pedro no João fiar kedas iha Jesus ninia Moris Hias. Maibé, apóstolu sira seluk seidauk fiar. Reflete: “Kada ita iha esperiensia fiar pessoal kona-ba Jesus. Maibé, ita-nia moris lorloron hatudu ita-nia fiar, esperansa, no domin klean ba Jesus, ita-nia Na’i Moris Hias?”

João 20:1-9

Iha loron uluk semana nian, iha dadersan nakukun, Maria Madalena ba to’o rate hodi haré fatuk iha rate nia oin duir tiha ba sorin. Nia halai fali hasouru Simão Pedro no eskolante ida seluk ne’ebé Jesus hadomi hodi dehan ba sira: “Ema lori tiha Na’i housi rate no ami la hatene sira tau los Nia iha ne’ebé!” 

Pedro ho eskolante ida seluk sai kedas ba rate. Sira halai hamutuk maibé eskolante ida seluk lalais liu Pedro hodi to’o uluk rate. Nia hakru’uk hodi haré hena sira namkari iha rai maibé nia la tama. Simão Pedro mos to’o tuir nia; nia tama iha rate laran hodi haré hena sira namkari iha rai, nomos hena mutin ne’ebé hodi falun Jesus nia ulun, ketak housi hena sira seluk lulun iha fatin seluk. Hafoin, eskolante ida seluk ne’ebé to’o uluk ba rate tama hotu. Nia haré hodi fiar. 

Iha oras ne’e, sira nia neon la dauk nakloke ba lia escritura nian katak Nia sei moris hi’as duni housi mate. 

Today's Pointers on God's Word

As you read the passage what words, phases or meanings caught your attention?

  • Iha Domingo dadersan, Jesus ninia belun sira ba iha rate no haré fatuk iha rate nia oin duir tiha ba sorin. Wainhira João (eskolante ida Jesus hadomi) hare rate mamuk, nia lembra Jesus ninia profecia katak Nia sei moris fali depois de loron tolu no João fiar. 
  • Jesus ninia moris hias sentru iha fiar cristã. Ho Espírito Santo ninia tulun, Na’i fó ita grasa fiar atu hatene Nia no kbiit salvasaun iha Ninia moris hias.
  • Ksolok liu hotu mak ita bele enkontra Kristu moris no konese Nia pessoalmente nu’udar ita-nia Maksoin no Na’i. Ita hakarak kria relasaun pessoal ho Kristu? Nune’e mos mak Kristu ninia hakaran ba ita.