DGEMs

 Maluk sira mak Kristu hadomi,

“Serbisu Humilde - Salvasaun”: Iha Evangelho ohin, iha Han-Kalan Ikus, Jesus faseapóstolu sira-nia ain. Ne’e sinal Ninia fó-an tomak no haraik-an lolos iha serbisu to’o mate. Reflete: “ita-nia fiar iha Kristu mós konvida ita atu sai sasin ba Jesus ninia fó-antomak no haraik-an ba Maromak nia hakaran hodi hetan salvasaun ba ema hotu-hotu. Ita hala’o ita-nia fiar ho fidelidade?”

Jesus hamriik housi meja, kolu nia unuk no hola hena mutin naruk ida hodi kesi ba nia knotak. Tuir mai, Nia tau be iha basia ida no hahú fase apóstolu sira nia ain hodi hamaran sira ho hena mutin ne’ebé bobar hela iha nia knotak. Nia to’o ba Simão Pedro ne’ebé dehan: “Na’i, Ita atu fase atan Ha’u nia ain?” Jesus hatan ba nia: “Oras ne’e o la bele hatene buat nebe Ha’u halo dau-daun; ikus mai o sei hatene.” Pedro simu: “Lae, ba nafatin Ita sei la fase ha’u nia ain!” Jesus dehan fali ba nia: “Ha’u la fase o nia ain karik, o sei la iha parte ho Ha’u.” Simão Pedro hasa’e fali lia ba Jesus dehan: “Ne’e sa, Na’i, fase la’os ha’u ain deit; fase mos ha’u liman no ulun.” 

Wainhira fase hotu tiha sira nia ain, no hola fali nia unuk, Nia fila ba nia fatin hodi dehan ba sira: “Imi komprende Ha’u halo sa los ba imi? Imi bolu Ha’u Mestre no Na’i; imi dehan los: Ha’u nune’e duni. Ne’e duni, Ha’u, Na’i no Mestre, fase karik imi nia ain,  imi mos sei fase nia ain ba malu. Basa Ha’u fo ezemplu ba imi, atu, nu’udar Ha’u foin halo ba imi, imi mos banati tuir.