DGEMs

 Maluk sira mak Kristu hadomi,

“Maromak ninia Glória-Terus no Mate” - Fiar: Iha Evangelho ohin, Jesus haklaken katak Nia no Ninia Aman Maromak, sei glorifika An liu-husi Ninia Terus no Mate. Reflete: “Harohan ba grasa atu tama iha Mistériu DivinuJesus ninia Terus no Mate.’ No oinsa Jesus glorifika Ninia Aman liu-husi Mistériu Terus.”

Judas sai tiha, Jesus dehan: “Ohin Oan Mane simu tiha glória, no Maromak sei simu glória iha Nia. Maromak simu karik glória iha Nia, Maromak mos sei fó glória ba Nia iha Nia An rasik no sei fó glória kedas ba Nia. Kosok oan sira, tempu uitoan de’it ona mak Ha’u sei hela ho imi. Imi sei buka Ha’u, no hanesan Ha’u dehan ona ba Judeu sira, ohin Ha’u dehan mos ba imi: ‘Ba fatin ne’ebé Ha’u sei ba, imi labele ba.’ 

Simão Pedro dehan ba Jesus: “Na’i, Ita ba ne’ebé?” Jesus hatan ba nia: “Ba fatin ne’ebé Ha’u sei ba, ohin o labele tuir, maibé o sei tuir aban bainrua.” Pedro simu dehan: “Na’i, tansa ha’u labele tuir Ita ohin? Ha’u sei saran ha’u nia moris tamba Ita!” Jesus lia tun fali ba nia: “O sei saran o nia moris ba Ha’u? Tebes, tebes, Ha’u dehan ba o katak molok manu kokorek, o sei heli Ha’u dala tolu.”