DGEMs

Maluk sira mak Kristu hadomi,

“Jesus no Maromak Aman - Unidade”: Iha Evangelho ohin, Jesus haklaken, “Ema ida halo-tuir Ha’u nia Liafuan, nia sei la mate ba nafatin.” Reflete: “Judeu sira kondena Jesus tanba haklaken Lialos kona-ba Ninia-An no Nia Aman.” “Fiar iha Maromak aas liu ita-nia hanoin limitadu; ne’ebé dala barak sai obstakulu atu simu Lialos kona-ba Jesus.”

Tebes, tebes, Ha’u dehan ba imi: ema ida halo tuir karik Ha’u nia liafuan, nia sei la mate ba nafatin.” Judeu sira hateten ba Nia: “Oras ne’e ami hatene katak O iha diabu. Abraão mate tiha ona, profeta sira mos mate ona; maibé O dehan: ‘Ema ne’ebé halo tuir Ha’u nia liafuan, nia sei la mate ba nafatin.’ O boot liu fali ami nia aman Abraão nebe mate ona? Profeta sira mos mate. O halo An sa los?” 

Jesus hatan: “Ha’u fó  glória ba Ha’u nia an karik, Ha’u nia glória la folin buat ida; Ha’u nia Aman mak fó  glória mai Ha’u, Nia ne’ebé imi dehan ‘Ami nia Maromak’. Maibé imi la hatene Nia, Ha’u mak hatene Nia. Ha’u dehan karik katak Ha’u la hatene Nia, Ha’u bosokten hanesan imi. Maibé Ha’u hatene Nia no Ha’u halo tuir nia liafuan.