5ª Semana Tempo Quaresma: Kuarta-feira, loron 09 fulan Abril 2025, April 9, 2025
Reflection on the WORD
Maluk sira mak Kristu hadomi,
“Jesus - Maksoin” - Fiar: Iha Evangelho ohin, Jesus haklaken “Se imi hela nafatin iha Ha’u nia Liafuan, imi sei sai Ha’u nia eskolante loloos; imi sei hatene Lialos, no Lialos sei halo imi la atan ona.” Reflete: “Ita moris iha liberdade loloos ne’ebé kompromete ita-nia an atu buka Maromak nia hakaran; hadomi no serví Nia ba Ninia Glória boot liu-tan, lorloron?
João 8:31-36
Tuir mai Jesus dehan ba Judeu sira ne’ebé fiar iha Nia: “Imi hela nafatin karik iha Ha’u nia liafuan, imi sei sai Ha’u nia eskolante lolos; no imi sei hatene lialos, no lialos sei halo imi la atan ona.”
Sira hatan: “Ami Abraão nia oan; ami la dauk sai ema ida nia atan. Nusa mak o dehan: ‘Imi sei la sai atan ona?”
Jesus hatan ba sira : “Tebes, tebes, Ha’u dehan ba imi: ema ne’ebé halo sala, ema ne’e sala nia atan. Atan la horik nafatin iha uma; Oan Mane mak horik nafatin iha uma. Ne’e duni, Oan Mane halo imi la atan ona karik, imi sei sai la atan ona duni.
Today's Pointers on God's Word
As you read the passage what words, phases or meanings caught your attention?
- Iha Evangelho ohin, Jesus asegura Ninia eskolante sira katak Ninia Lialos sei “halo ita la atan ona”. Livre atu moris iha damen, harmonia no ksolok.
- Mundu ne’ebé nakonu ho kanek no sofrimentu, iha ka realidade nune’e? Sim, ita karik la hakmatek fizikamente no emosionalmente tanba ita moras ka nervozu ho belun ninia traisaun, maibé ita bele deskobre forsa no damen iha Maromak.
-
Klaramente, labele hili moris iha maneira rua: ita hili Maromak ninia maneira no hetan damen no satisfasaun ka hili maneira aat ne’ebé centraliza an no foti-an no hala’o moris ho miseria.