DGEMs

Maluk sira mak Kristu hadomi,

“Jesus-Naroman Divinu” - Fiar: Iha Evangelho ohin, Jesus haklaken, “Ha’u mak mundu nianaroman; Ema ne’ebé tuir Ha’u la la’o iha nakukun laran.” Reflete: “Se ita simu Jesus nu’udar Naroman Divinu ne’ebé revela Maromak Aman Ninia Lialos, ita sei kompromete ita-nia an tomak ba Nia. Maibé, se ita-nia fiar superfisial, ita sei moris-tuir valor falsu husi mundu laiku.”

Jesus koalia hikas ba sira nune’e: “Ha’u mak mundu nia naroman. Ema ne’ebé tuir Ha’u la la’o iha nakukun laran, maibé sei hetan naroman moris nian.” Farizeu sira dehan ba Nia: “O fo sasin ba O nia An; O nia sasin la los.”Jesus hatan ba sira, dehan: “Maski Ha’u fó sasin kona-ba Ha’u An, Ha’u nia sasin los, tamba Ha’u hatene Ha’u mai housi ne’ebé no Ha’u ba ne’ebé; maibé imi la hatene Ha’u mai housi ne’ebé no Ha’u ba ne’ebé. Imi tesi lia tuir isin nia hanoin; Ha’u la tesi lia kona-ba ema ida. Maibé, Ha’u tesi lia mos karik, Ha’u nia lia los, tamba Ha’u la hela mesak. Ha’u hela ho Aman, Ida ne’ebé haruka Ha’u mai. Iha imi nia ukunfuan hakerek katak ema na’in rua nia sasin los. Ha’u fó sasin kona-ba Ha’u An; no Aman ne’ebé haruka Ha’u mai, Nia mos fó sasin kona-ba Ha’u.” 

Sira husu ba Nia: “O Nia Aman iha ne’ebé?” Jesus hatan: “Imi la hatene Ha’u, la hatene mos Ha’u Aman. Imi hatene Ha’u karik, imi sei hatene mos Ha’u Aman.”