DGEMs

Maluk sira mak Kristu hadomi,

“Presunção iha Fiar”: Iha Evangelho ohin, eskriba no Farizeu sira, lori feto ida ne’ebé halo sala ho mane seluk ba Jesus. Sira espera Jesus sei kondena nia ba pena morte. Reflete: “Se ita iha tendencia presunçosa, ita haré de’it ema seluk ninia salan, maibé la’os ita-niasalan; ne’ebé bele grave liu. Harohan husu grasa haraik-an no laran luak atu hadomi ema seluk sein julga sira.”

Eskriba no Farizeu sira lori feto ida ne’ebé ema toman halo sala ho mane seluk. 4Sira tau feto ne’e iha klaran hodi dehan ba Jesus: “Mestre, ema toman feto ne’e halo sala ho mane seluk. Tuir ukunfuan, Moises haruka ita atu tuda mate feto sira hanesan ne’e. O dehan sa los?” Sira husu ne’e hodi koko Nia, atu sira bele hetan lia ruma hasouru Nia. Maibé Jesus hakru’uk, hodi hakerek iha rai ho nia liman fuan. 

Tan sira litik nafatin Nia hodi husu Nia, Nia hamriik los hodi dehan ba sira: “Imi ida ne’ebé sala la iha, nia mak tuda uluk feto ne’e!”. Rona tiha liafuan hirak ne’e, sira idaida sai dau-daun, hahu housi katuas sira. Ikus mai feto hela mesak iha klaran. Hamriik los fali, Jesus dehan ba nia: “Feto, sira ba ne’ebé? Ema ida la tesi lia todan ba o?” Nia hatan: “La iha, Na’i.” Jesus dehan ba nia: “Ha’u mos la tesi lia todan hasouru o; la’o ona ba, no houri ohin ba oin, keta sala tan.”