DGEMs

Maluk sira mak Kristu hadomi,

“Fiar-Moris rohan la’ek”: Iha Evangelho ohin, Jesus haklaken, “Ema ne’ebé rona ha’u-nia liafuan hodi fiar Ida ne’ebé haruka ha’u mai, nia hetan moris rohan la’ek ... nia liu ona husi mate ba moris”. Reflete: “Kada ita certamente sei mate; sedu ka tarde. Saida mak akontese depois? Tan ne’e, Jesus konvida ita atu aseita no haklean ita-nia fiar, esperansa no domin iha Nia. Ka, ita foti an demais?”

Tebes, tebes, Ha’u dehan ba imi katak ema ne’ebé rona Ha’u nia liafuan hodi fiar Ida nebe haruka Ha’u mai, nia hetan moris rohan laek: sei la tesi lia todan hasouru nia: nia liu ona housi mate ba moris. Tebes, tebes, Ha’u dehan ba imi katak oras besik ona, lo-los to’o ona mai, wainhira ema mate sira sei rona Maromak Oan nia lia, no sira hotu ne’ebé rona sei moris. Nu’udar Aman moris na’in, nune’e mos Nia halo Oan sai moris na’in, hodi haraik ba Nia kbiit atu tesi lia, basa Nia mak Oan Mane. 

Imi keta hakfodak ho buat ne’e, basa oras to’o dau-daun wainhira sira hotu ne’ebé iha rate laran sei rona Nia lia, no sira ne’ebé halo di’ak, sei sa’e ba moris hi’as moris nian: sira nebe halo aat sei moris hi’as ba kastigo. Ha’u mesak la bele halo buat ida housi Ha’u An rasik. Ha’u tesi lia tuir buat ne’ebé Ha’u rona. Ha’u nia lia tesi los, basa Ha’u la buka Ha’u nia hakarak, maibé Ida ne’ebé haruka Ha’u nia hakarak.