DGEMs

Maluk sira mak Kristu hadomi,

“Anunsiasaun Na’i nian” – Fé: Iha Evangelho ohin, Na’i fó sai Nia Planu Salvasaun nian liu husi Anjo Gabriel, ba Maria. Maria simu Na’i nia Hakarak hohumildade no koragem ne’ebé boot, no fiar iha Na’i nia Providéncia. Reflete; “harohan ba grasa atu iha sabedoria kona-bá Maria, hodi obedese Na’i nia Hakarak. Ita iha afesaun ba ita nia hakarak rasik no zona komforta, em vez de Na’i nia Hakarak?”

Iha fulan neen, Maromak haruka anju Gabriel ba knua ida Galileia nian, naran Nazare, ba fetoran ida ne’ebé hakotu tiha ona ba mane ida naran José, housi David nia umakain; fetoran ne’e naran Maria. Tama tiha iha uma, anju dehan: “Rahun diak, feto kmanek wa’in tebes! Na’i ho ita!” Rona tiha lia ne’e, nia laran taridu hodi husu ba nia an rasik kumprimentu ne’e katak sa los. Anju dehan ba nia: “Keta tauk, Maria; basa o hetan rahun diak tebes iha Maromak futar oin. O sei ko’us no tur ahi oan mane ida. O sei hanaran Nia Jesus. 

Maria husu ba anju: “Ne’e sei sai oin sa los, basa ha’u la hola mane?” Anju hatan ba nia dehan: “Espíritu Santu sei tun ba o no Na’i aas liu hotu nia kbiit sei hamahan o. Tan ne’e santu ne’ebé atu moris sei hanaran An ‘Maromak nia Oan.’ 

Maria dehan: “Ne’e sa, Na’i nia atan oan mak ne’e. Halo tuir ita liafuan ba!” Hafoin anju husik nia.