3ª Semana tempo quaresma: Segunda-feira, loron 24 fulan Marsu 2025, March 24, 2025

Reflection on the WORD

Maluk sira mak Kristu hadomi,

“Pre-konseitu” iha Fé: Iha Evangelho ohin, ema sira husi Jesus nia rain, Nazare, iha pre-konseitu hasoru Nia nu’udar Messias, tamba sira hatene Nia no nia família. Nune’e, sira rejeita Nia no iha hakarak atu oho Nia, tamba Lialos ne’ebé Jesus ko’alia ba sira. Reflete; “Ita mós iha pre-konseitu sira kona-bá Jesus nia hanorin ne’ebé prevene ita hodi krese iha ita nia fiar, esperansa no domin ba Nia?

Lk 4:24-30

Nia dehan teni ba sira: “Tebes, Ha’u dehan ba imi katak ema la simu profeta ida iha nia rai rasik. 

Ha’u dehan lo-los ba imi: iha Elias nia loron, iha feto faluk barak iha Israel, wainhira lalehan taka metin ba tinan tolu no fulan neen nia laran; rai tomak hamlaha boot; maibé Maromak la haruka Elias ba feto faluk sira ne’e ida. Nia haruka de’it ba feto faluk iha Sarepta, iha rai Sidonia. Iha Eliseu nia loron mos, iha ema moras lepra barak iha Israel, maibé sira ida de’it mak hetan isin diak, katak Naaman housi rai Siria.” 

Rona tiha liafuan hirak ne’e, ema hotu iha sinagoga laran laran nakali teb-tebes. Sira hamriik hodi duni sai Nia housi sidade; hodi lori Nia to’o rai tatinis iha foho leten, iha ne’ebé sira nia sidade hamriik hela, atu soe tun Nia housi neba. Maibé Jesus liu housi sira le’et, la’o tuir nia dalan.

Today's Pointers on God's Word

As you read the passage what words, phases or meanings caught your attention?

  • Judeu sira rejeita Jesus nu’udar profeta ida tamba sira la fiar tamba karpenteiru ida nia oan, maiske Nia hanorin ho sabedoria, no bele sai Mesias ida ne’ebé sira hein hela.
  • Importante liu mak, Jesus hetan rejeisaun tamba Judeu sira konsidera sira nia-an ne’ebé los liu atu fiar katak se maka la’os ema Judeu labele hetan salvasaun. Sira nia vizaun no laran ne’ebé toos no klot kona-bá salvasaun halo sira matan delek ba Lialos katak Jesus mak sira nia Mesisas. 
  • Ita hotu presiza haraik-an atu konsiente katak Na’i hadomi ita ho maneira ne’ebé especial no personal tebes, Nia mós iha nia domin rohan la’ek bele halo hanesan ba ema seluk. Ita prontu atu loke-an ba dezafiu sira husi Evangelho ne’e?