DGEMs

Maluk sira mak Kristu hadomi,

“Domin Laran-luak Na’i nian”: Iha Evangelho ohin, Jesus proklama “Parábola kona-bá filho Pródigo” ba kobrador impostu no sala nain sira. Reflete; “Na’i nia Laran-luak no domin perdaun nian ne’e laiha kondisaun. Maibé, ita nia experiênsia humana sira kona-bá domin no laran luak, partikularmente wainhira ita sente kanek, laran moras,hirus, ne’e dala barak kondisional. Tan ne’e, iha parábola ohin nian, ita labele prevene Na’i hodi haraik ba ita grasa Laran luak.”

Publikano no maksalak sira hotu hakbesik Jesus atu rona Nia. Tan ne’e, Nia haktuir ba sira aiknanoik ida ne’e: Nia dehan tan: “Ema ida iha oan mane Na’in rua. Ida kiik dehan ba nia aman: ‘Aman, fó mai ha’u buat ne’ebé ha’u nian.’ Aman ne’e fahe tiha nia rikusoi ba sira. Liu tiha loron ruma, oan kiik ne’e halibur nia rikusoi tomak, hodi ba rai dook ida; iha neba nia halo naben nia rikusoi tomak, hodi moris aat liu. Nahas tiha nia sasan tomak, rai neba hamlaha boot. Nia mos hahu hetan susar. Tan ne’e nia husu serbisu ba ema rai Na’in ida, ne’ebé haruka nia ba hein fahi iha nia to’os. 

Nune’e, hamriik tiha, nia ba hasouru nia aman. Nia sei dook hela, nia aman haré ona nia, hanoin teb-tebes nia, hodi halai ba hasouru nia, hakoak no rei nia. Maibé aman ne’e dehan ba nia atan sira: ‘Lori mai lalais unuk furak liu, hodi fó hatais nia; tau kadeli ba nia liman, sapatu ba nia ain. Lori mai karau oan bokur ida atu oho. Ita sei han hemu hodi halo festa. Basa ha’u nia oan ida ne’e mate tiha, moris fali; nia lakon tiha, hetan fali.’ No sira hahu halo festa.”