2ª Semana tempo quaresma: Festa S. José, Maria nia espozu, kuarta-feira, loron 19 fulan Marsu 2025, March 19, 2025
Reflection on the WORD
Maluk sira mak Kristu hadomi,
“S. José – Ninia Santidade”: Iha Evangelho ohin hateten ba ita oinsa “José,Maria nia espozu, no liu husi nia fó moris ba Jesus, ne’ebé bolu Kristu.” José nia santidade la’os de’it iha nia diak no integridade sira, maibé iha nia uniaun ne’ebé profunda ho Na’i. Nune’e, Na’i bele komunika nia dezeju sira ba nia iha mehi ida. Reflete; “Ita nia relasaun ho Na’i ne’e profunda nopessoal ou superficial no bain-bain de’it?”
Mt 1:16,18-21
Jacob hetan oan naran José, ne’ebé kaben ho Maria. Jesus, ne’ebé ema hanaran Kristu moris housi Maria.
Jesus Kristu moris nune'e: ema hakotu ona Maria, Jesus nia inan ba José. Molok sira moris hamutuk, Maria ko’us tiha ona hodi Espíritu Santu nia kbiit. Nia laen José, ne’ebé ema laran los no lakohi hamoe Maria, hakotu atu husik de’it nia. Nia hanoin dau-daun buat ne'e, wainhira Na’i nia anju mosu ba nia iha mehi dehan: “José, David nia oan, keta tauk simu Maria nudar o nia kaben, basa nia ko’us hodi Espíritu Santu nia kbiit. Maria sei tur ahi oan mane ida ne’ebé o sei hanaran Jesus, basa Nia mak sei soi povu housi sira sala.”
Today's Pointers on God's Word
As you read the passage what words, phases or meanings caught your attention?
- José, mane ida ne’ebé justu, senti katak nia presiza atu “hein” iha Na’i nia providência atu hakore nia-an wainhira nia senti hakfodak ho Maria nia konseisaun (kous) tambá Espírito Santo.
- Oinsa ho ita boot nia loke-an no pasiênsia ba Na’i nia providência? Iha ita nia tendência atu bele hetan kontrola ba ita nia moris ne’ebé diak, ita moris iha iluzaun nia laran ne’ebé halo ita “senti seguru”. De facto, Na’i de’it mak bele fó ba ita siguransa ne’ebé real no esperansa iha moris; tamba ita sei mate tempo saida de’it.
-
Ita boot hela iha discernimentu moris nian iha ne’ebé prioridade mak moris tuir Na’i nia hakarak no serbí Nia missaun liu husi ita nia kareira no vokasaun?