DGEMs

Maluk sira mak Kristu hadomi,

“Boot liu iha Na’i nia Matan” – Fé: Iha Evangelho ohin, Jesus lia tun ba ema lubun boot dehan, “ida ne’ebé boot liu entre imi, nia presiza sai imi nia atan. Ida ne’ebé foti nia-an, Na’i sei hatun nia, no ida neb’ebé haraik-ansei hetan exaltasaun.” Reflete; “foti-an sei hamonu ita, iha ita nia vida ne’ebé egocêntrika; humildade sei sai esencial wainhira, ita hakarak atu aprofunda ita nia fiar, esperansa no domin ba Na’i.”

Tuir mai Jesus koalia ba ema lubun boot no ba nia eskolante sira dehan: “Eskriba no fariseu sira tur iha Moises nia kadeira. Ne’e duni, simu ba hodi halo tuir buat hotu ne’ebé sira dehan ba imi; maibé keta tuir sira nia hahalok, basa sira koalia maibé la halo.

Imi fali, keta husik ema hanaran imi ‘Rabbi’, basa imi nia Mestre ida de’it, no imi hotu mesa maun alin. Keta bolu ema ida aman iha rai, basa imi nia Aman ida de’it, ne’ebé iha lalehan. Keta husik ema hanaran imi doutor, basa imi nia doutor ida de’it: Kristu. Ida ne’ebé boot liu iha imi le’et sei sai imi nia atan. Ida ne’ebé foti an, Na’i sei hatun nia; ida ne’ebé haraik an, Na’i sei hahi nia.”