DGEMs

Maluk sira mak Kristu hadomi,

“Moris rohan la’ek” – Fé: Iha Evangelho ohin, Jesus lia tun ba nia discípulu sira; kondisaun essensial sira hodi simu prezenti divino “Salvasaun Rohan la’ek nian.” Ita presiza atu hadomi Na’i ho fuan tomak, no demonstra domin ida ne’e liu husi ita nia domin kompaisivu ba ema seluk. Reflete; “Ita labele krese iha santidade sem kuida/tau matan ba ema seluk. Ema ida-idak ne’e Na’i nia oan ne’ebé presiozu tebes, no oinsa ita haré ema seluk ne’e, importante tebes ba Na’i.”

Jesus lia tun ba ia escolante sira dehan: Wainhira Oan Mane mai iha nia glória no nia anju sira hotu hamutuk ho Nia, Nia sei tur iha nia kadunan glória nian. Povu hotu sei halibur an iha nia oin. Nia sei haketak ema sira hanesan bibi atan haketak bibi malae housi bibi Timor.

Tuir mai, liurai sei dehan ba sira ne’ebé iha nia sorin kuana: ‘Mai, imi ne’ebé Ha’u Aman fó bensa, mai simu nudar liman rohan reinu ne’ebé hadia tiha ba imi houri mundu hahu. Basa Ha’u hamlaha, imi fó han Ha’u; Ha’u hamrook, imi fó hemu Ha’u; Ha’u la’o rai, imi simu Ha’u; Ha’u isin tanan, imi fó hatais Ha’u; Ha’u moras, imi ba haré Ha’u; Ha’u iha dadur laran, imi ba haré Ha’u.’

 Iha oras ne’e ema diak sira sei hatan ba Nia: ‘Na’i, wainhira los mak ami haré Ita Boot hamlaha, ami fó han; hamrook, ami fó hemu? Wainhira los mak ami haré Ita Boot la’o rai, ami simu; eh ho isin tanan, ami fó hatais? Wainhira los mak ami haré Ita moras eh iha dadur laran, ami ba haré Ita?’ Liurai sei hatan ba sira: ‘Tebes, Ha’u dehan ba imi: wainhira imi halo buat ne’e ba ha’u nia alin kiik sira ne’e ida, imi halo mai Ha’u rasik.’”