DGEMs

Maluk sira mak Kristu hadomi,

“Siguransa falsu sira – Fé”: Iha Evangelho ohin, ema ne’ebé hakarak hetan moris rohan la’ek; iha fidelidade ne’ebé boot hodi moris tuir nia fé. Maibé, nia frakeja sira mak nia afetu ka apegu ba riku soin material nian ne’ebé “forte no kle’an liu” fali nia dezeju ba moris rohan la’ek. Reflete; “Rikusoin ka material mundo nian, iha nia-an rasik, la haraik ba ita ksolok rohan la’ek, a não ser que ita valoriza sira tuir Na’i nia domin no dalan sira.”

Wainhira Nia atu la'o ona, ema ida halai hasouru Nia, tuku tur ba rai hodi husu Nia, “Mestre diak, Ha’u sei halo sa atu bele hetan moris rohan laek?” Jesus hatan ba nia, “Tan sa o dehan Ha’u diak? La iha ema diak; Maromak mesak mak diak. O hatene ukunfuan sira: keta oho, keta halo adulteriu, keta na’ok, keta foti lia bosok hasouru ema, keta lohi ema, hamtauk o nia aman no inan.” 

          Nia hatan hodi dehan ba Nia, “Mestre, Ha’u moris tuir sira ne'e hotu houri kiik kedas.” Jesus fihir nia di-diak, hadomi nia hodi dehan ba nia, “Buat ida de’it mak o sei kuran: ba, fa'an o nia sasan tomak, fahe ba ema kiak sira no o sei hetan rikusoi iha lalehan; hafoin, mai tuir Ha’u.” Nia neon sala tebes tan liafuan hirak ne'e; nia ba ho neon nakraik, basa nia iha rikusoi barak.

         Jesus, hateke hale’u, dehan ba Nia eskolante sira, “Susar tebes duni ba ema riku sira atu tama iha Maromak nia reinu.”