DGEMs

Maluk sira mak Kristu hadomi,

“Matan delek – foti an” – Fé: Iha Evangelho ohin nian, Jesus lia tun ba Nia discípulu sira, “bele ka la’e ema matan delek ida guia ka fó falan ba matan delek ida seluk fali? Sertamente, sira nain rua sei tama ba rai kuak?” Reflete; “Jesus konvida ita atu simu ita nia matenek ka konhesimentu no experiência sira ne’ebé limitadu. Se la’e, ita nia urgulho sei impede ita, hodi simu lialos Na’i nian. Ita nia “matan delek ne’e” sei sai at liu tan liu husi ita nia insegurança, tauk no hirus.”

Nia dehan tan aiknanoik ida ne’e ba sira: “Ema matan delek ida bele hatudu dalan ba ema matan delek seluk? Sira Na’in rua la monu hotu iha kuak laran? Eskolante ida la bele sai boot liu fali nia mestre, basa eskolante diak sei halo hanesan nia mestre. Tan sa o haré ai rahun iha o nia maun eh alin nia matan, maibé la haré ai kabelak iha o nia matan rasik? Oinsa o bele dehan ba o nia maun eh alin: ‘Maun eh alin, husik ha’u hasai ai rahun housi o nia matan, maibé o la haré ai kabelak iha o nia matan rasik? Laran makerek! Hasai uluk lai ai kabelak housi o nia matan, hafoin o sei bele haré mo-mos atu hasai ai rahun housi o nia maun eh alin nia matan.”