7ª Semana Tempu Komún: Kinta-Feira, loron 27 fulan Fevereiro 2025, February 27, 2025
Reflection on the WORD
Maluk sira mak Kristu hadomi,
“Responsabilidades”-Fiar:Iha Evangelho ohin nian, Jesus haklaken ba Nia eskolante sira atu hamoris sira nia fiar ho responsabilidade no sasin ba Evangelho ho kompaixaun, tau-matan no Lialos ba ema hotu-hotu. Reflete, “Lia-Los Evangelho nian mak iha ita nia laran, nu’udar Maromak Nia prezente mai ita. Maibé, karik ita la utiliza prezente sira Maromak haraik ona mai ita ho responsabilidade, ita sei lakon ona sentidu lolós no objetivu lolós ita nia moris nian.”
Mk 9:41-42, 49-50
41Ema nebe fo be kopu ida ba imi tan imi Kristu nian, Ha’u hateten kedas ba imi, ema ne'e sei la lakon nia kolen.” 42“Ema ruma dada karik ba aat labarik oan ida nebe fiar Ha’u, diak liu tara fatuk hadulas batar nian ba ema ne'e nia kakorok, hafoin soe nia ba tasi laran. 49Ema hotu sei hamer an ho ahi. 50Masin diak, maibe wainhira masin lakon nia mer, oin sa mak o bele halo nia mer fali? Iha masin iha imi nia laran ba, hodi moris ho dame ho imi nia maluk sira.”
Today's Pointers on God's Word
As you read the passage what words, phases or meanings caught your attention?
- Jesus fó hanoin ita kontra lori ema seluk la’o sees hosi Maromak, liu-liu ema ne’ebé salan laek no joven sira ne’ebé loke-an no iha entusiasmu ba Maromak Nia Lialos.
- Iha obstákulu ruma hanesan kanek emosional, hirus no laran moras ne’ebé halo ita atu kontra testemuña valores Evangelho Kristu nian?
- Karik ita iha kanek emosional, hirus no laran moras, entaun ita hetan xamada atu kontrola ita nia kanek emosional sira ne’e, liu-hosi dalan Maromak Nian, hanesan buka konsellu no reza ba grasa sira Maromak Nian hodi kura kanek emosional sira no kbiit atu perdua ema seluk ho laran tomak.