DGEMs

Maluk sira mak Kristu hadomi,

“Jesus Nia Maneira Hadomi nian”-Fiar: Iha Evangelho ohin nian, Jesus konvida ita atu hadomi hanesan Nia hatudu ona mai ita liu-hosi Ninia Moris no Evangelho sira Nia haklaken. Reflete, Jesus hadomi ita metin teb-tebes no rohan-laek, liu fali ita ema nia esperiénsia sira. Karik ita husik Jesus atu inspira ita atu hadomi kle’an liu-tan no laran-luak, ita sei esperimenta Nia Dame no ksolok ne’ebé mundu ne’e la bele fó.”

Hadomi funu balun sira

27“Ha’u dehan ba imi sira nebe rona dau-daun: hadomi imi nia funubalun sira, halo diak ba sira nebe hirus imi;  28fo bensa ba sira nebe fo malisan ba imi, harohan ba sira nebe koalia aat imi;  29ba ida nebe basa o nia hasan ida, fo tan o nia hasan seluk; ba ida nebe hadau o nia unuk, fo tan o nia hatais; 30ba ida nebe husu buat ruma, fo ba; ba ida nebe hola o nia sasan sira, keta husu fali. 31Nudar imi hakarak ema halo ba imi, halo mos nune’e ba sira. 36Buka sai ema laran luak hanesan imi nia Aman laran luak.  37Keta hanoin aat ema, no ema sei la hanoin aat imi; keta duu matak ema, no ema sei la duu matak imi. Fo perdua ba, no imi sei hetan perdua. 38Fo ba, no imi sei simu; ema sei tau ba imi nia liman buat diak barak, hanehan tun, doko tan to’o naresin. Basa imi sura oin sa ba ema, nune’e mos ema sei sura ba imi.”