6ª Semana Tempu Komún: Sesta-Feira, loron 21 fulan Fevereiro 2025, February 21, 2025
Reflection on the WORD
Maluk sira mak Kristu hadomi,
“Ksolok rohan laek”-Fiar:Iha Evangelho ohin nian, Jesus haklaken ba Nia eskolante sira, “ema ne’ebé lakon nia moris tamba Ha’u no tan Lia-Foun Di’ak (Evangelho) sei soi nia.” Reflete, ita hotu hakarak ba Lalehan hafoin ita mate. Maibé, ita mós kesi-an ba mundu ne’e. Ita ta’uk mate no ita hakarak moris enkuante ita bele iha mundu ne’e. Maibé, karik ita moris tuir Evangelho Kristua Nian totalmente, ita sei la ta’uk mate-tan.
Mk 8:34-38
34Hafoin Jesus bolu fali ema lubun boot ho nia eskolante sira hodi dehan ba sira, “Ema nebe hakarak tuir Ha’u, nia sei hakribi nia an rasik, simu nia krus hodi la'o tuir Ha’u. 35Basa, ema nebe hakarak soi nia moris sei lakon nia; maibe ema nebe lakon nia moris tamba Ha’u no tan liafuan diak sei soi nia.36Ema manan sa los wainhira nia manan mundu tomak maibe lakon nia moris? 37Eh ema sei troka sa los ba nia moris? 38Ema nebe moe kona ba Ha’u no ha’u Nia liafuan sira iha otas maksalak no foer ne'e nian, Oan Mane mos sei moe kona ba nia wainhira Nia mosu mai iha Nia Aman nia kmanek ho Nia anju santu sira.”
Today's Pointers on God's Word
As you read the passage what words, phases or meanings caught your attention?
- Karik ita hatene Jesus pesoalmente, entaun ita sei hahú atu rekoñese katak valores mundu secular nian temporariu; osan, susesu no poder nunka bele permanente iha ita nia moris iha mundu ne’e.
- Valores sekular sira ne’e iha diferensa boot tebes kontra valores Evangelho sira ne’ebé Jesus hanorin no oferese ne’ebé lori ita ba moris rohan laek.
- Atu hamoris Jesus Nia valores Evangelho, lori ita nia krus no tuir Jesus mak nakonu ho terus no dezafius. Maibé karik ita nafatin tuir lian Espíritu Jesus Nian iha ita nia fuan no obedese ho neon ida de’it, maske karik ita lakon moris iha mundu, ita sei mana moris rohan laek.”