6ª Semana Tempu Komún: Kuarta-Feira, loron 19 fulan Fevereiro 2025, February 19, 2025
Reflection on the WORD
Maluk sira mak Kristu hadomi,
“Jezús nia domin ne’ebé kuidadozu” – Fiar: Iha Evangelho ohin nian, restaurasaun graduál matan-delek nian mak símbolu ida, atu ita hanoin kona-ba Maromak nia Domin Kompasivu mai ita, karik la’ós sempre esperimenta lalais kedas, maibé prosesu ida tuir Maromak Nia Tempu no Dalan sira. Reflete, "Reza ba grasa atu fiar kle’an liu-tán iha Maromak Nia Domin Kompasivu no la hein katak Maromak atu haraik mai ita buat ne’ebé ita presiza tuir fali ita nia tempu no dalan sira."
Mk 8:22-26
Jesus halo ema matan delek hare
22Sira to'o ba rai Betsaida. Ema lori ba Nia ema matan delek ida, hodi husu Nia atu tau liman ba nia. 23Kaer tiha ema matan delek ne'e nia liman, Nia lori nia ba knua nia liur, tafui ba ema ne'e nia matan hodi tau liman ba nia, hodi husu, “O hare buat ruma?” 24Ema ne'e, hateke ba leten, hatan: “Ha’u hare ema sira nudar aihun nebe la'o ba la'o mai.” 25Tuir mai Nia tau fali nia liman ba ema nia matan. Nia hare di-diak ona. Nia bele hare mo-mos buat hotu. 26Nia haruka ema ne'e ba uma hodi dehan: “Keta tama iha knua nia laran.”
Today's Pointers on God's Word
As you read the passage what words, phases or meanings caught your attention?
- Ida ne’e de’it mak milagre ne’ebé hakerek iha Sagradas Eskrituras iha ne’ebé deskreve Jesus kura ema moras tuir etapas. Jesus sempre kura ema diretamente no lalais kedas.
- Wainhira ema ida toman ona hanaruk (prolonga) nakukun, loke-an ba naroman bele halo ema ne’e nia matan aat. Matan ne’ebé toman ona ho nakukun, tenki gradualmente familiriaza ho naroman.
- Nune’e mos, karik ema ruma ita hatene la moris tuir Maromak Nia dalan sira, hanesan, imoralidade, la ba ona Igreja, ita presiza pasiénsia barak, orasaun barak, testemuña no laran di’ak wa’in tebes atu lori ema ne’e fila fali ba Maromak Nia dalan sira. Nunka atu esperansa, koko nafatin, basá Maromak sei tulun ita.