DGEMs

Maluk sira mak Kristu hadomi,

“Maromak Nia Domin Kompasivu” – Fiar: Iha Evangelho ohin nian, Jesus fó han ema rihun haat, ne’ebé hasoru hela krize hamlaha nian; ho paun restu barak. Reflete, “Ita-nia mundu ohin loron mós hasoru hela krize boot sira iha: imoralidade, injustisa, funu no buat aat sira seluk ne'ebé ameasa atu halakon umanidade. Maibé, iha Esperansa Loloos Triunfu nian, karik ita fila fali ba Maromak ho fiar esperansa no domin neébé profundu ba Nia.”

Jesus fo han ema rihun hat

1Iha tempu neba, ema lubun boot ida halibur an. Sira aihan la iha. Tan ne'e, Jesus bolu nia eskolante sira hodi dehan ba sira, 2“Ha’u hanoin ema sira ne'e; sira hela ona ho Ha’u loron tolu no sira aihan la iha. 3Ha’u haruka sira ba uma ho kabun mamuk karik, sira sei monu iha dalan. Sira balun mai housi dook.” 4Eskolante sira hatan ba nia: “Iha fatin fuik ne'e, ema bele habosu sira ne'e hotu ho paun housi los nebe?” 5Nia husu ba sira, “Imi iha paun fuan hira?” “Hitu,” sira hatan. 6Nia haruka sira atu tur iha rai, kaer paun fuan hitu ne'e, fo agradese, silu hodi fo ba eskolante sira atu fahe. Sira fahe duni ba ema sira hotu. 7Iha mos ikan kiik balun. Nia fo bensa ba sira ne'e, no haruka atu fahe ba ema sira. 8Sira han to'o bosu. Sira halibur hamutuk paun rahun resin luhu hitu nakonu. 9Ema sira ne'e besik rihun haat. 10Nia haruka sira ba uma. Tuir mai, Nia sa'e kedas ro ida ho nia eskolante sira hodi la'o ba rai Dalmanuta.