5ª Semana Tempu Komún: Tersa-Feira, loron 11 fulan Fevereiro 2025, February 11, 2025
Reflection on the WORD
Maluk sira mak Kristu hadomi,
"Reverénsia ba Maromak" – Fiar: Iha Evangelho ohin nian, Jesus haksi’ak ema Farizeu sira no eskriba sira tanba sira hipokrita (munafik) iha prátika sira nia fiar. Reflete, karik ita nia fiar, esperansa no karidadeba Maromakla sinseru no la profunda; ita nia hahalok no estilu moris nian sei nakonu ho justifikasaun sira. Ita hakarak hadomi Maromak, maibé mos hakarak kesik-an ba ita nia zona konfortu sira, riku-soin no ita nia glória?
Mk 7:1-2, 5-8
Bei ala sira nia hanorin
1Loron ida, eskriba no fariseu balun mai housi Jerusalem, hakbesik an ba Jesus. 2Sira hare katak Nia eskolante sira han paun ho liman foer, katak seidauk fase liman. 5Tan ne'e fariseu no eskriba sira husu ba Nia, “Tan sa O nia eskolante sira la tuir bei ala sira nia lisan, maibe sira han paun ho liman foer?” 6Nia lia tun ba sira, “Profeta Isaias koalia lo-los duni kona ba imi, ema laran makerek sira, wainhira nia hakerek dehan: ‘Povu ne'e hanai Ha’u ho ibun tutun deit, maibe nia laran dook liu housi Ha’u. 7Sira hahi Ha’u le’et deit, maibe buat nebe sira hanorin mesa ema nian.’ 8Husik tiha Maromak nia ukunfuan, imi tuir fali ema nia lisan.”
Today's Pointers on God's Word
As you read the passage what words, phases or meanings caught your attention?
- Iha Evangelho ohin nian, Jesus haksi’ak farizeu sira no eskriba sira tanba fó atensaun demais hodi tuir rituál esternu sira no haluha katak hamoos interiór ema ida nia fuan nian mak soin liu no importante liu ba Maromak.
- Ita presiza evita sai hipókrita (munafik) iha dalan ne’ebé ita prátika ita nia fiar. Hipokrizia mak forma ida husi bosok hodi fó impresaun falsu ba ema seluk katak ita fó onra ba Maromak, maibé iha realidade ita la halo buat ida.
- Iha moris lor-loron ita-nia fiar nian, di'ak atu hanoin kle'an kona-ba pergunta ida-ne'e, "Ha'u ema ne'ebé loos, julgador no krítiku ba ema seluk enkuantu ignora ha'u nia kulpa, fallansu no salan sira?”