DGEMs

Maluk sira mak Kristu hadomi,

“Obediénsia umilde” – Fiar: Iha Evangelho ohin nian, Pedro obedese Jesus nia pedidu ho haraik-an, no Jesus rekompensa nia ho kaer ikan barak. Reflete, "nune'e mós, karik ita-nia obediénsia ba Maromak Nia Hakarak mak haraik-an, Maromak sei bele haraik bensaun barak mai ita. Maibé, karik ita tau 'kondisaun' sira ba ita-nia 'obediénsia', entaun ita-nia 'domin ba an rasik' sei prevene Maromak Nia vontade'. Maromak tenki sai ita-nia domin ne’ebé boot teb-tebes.

3Sa’e tiha ba Simao nia ro, Jesus husu ba nia atu hadook ro uitoan housi tasi ibun. Hafoin, Nia tur tiha iha ro laran, hodi hanorin ema sira. 4Koalia hotu tiha, Nia dehan ba Simao: “Tama liu ba tasi laran no soe dai ba!” 5Simao hatan, “Mestre, ami serbisu tiha kalan tomak, la kaer buat ida. Maibe, tan Ita mak dehan, ha’u sei soe duni dai.” 6Wainhira sira halo nune’e, sira kaer ikan barak teb-tebes, dai besik atu nakles. 8Hare tiha ne’e, Simao Pedro monu ain ba Jesus, hodi dehan: “Na’i, hadook An housi ha’u, tan ha’u ema maksalak ida!” 9Tebes duni, nia ho nia maluk sira seluk hakfodak tamba ikan barak nebe sira kaer. 10Simao nia maluk sira, katak Joao no Tiago, Zebedeu nia oan sira, sira mos hakfodak. Jesus dehan Simao: “Keta tauk; houri ohin ba oin o sei kaer ema.” 11Dada tiha ro ba tasi ibun, sira husik buat hotu hodi la’o tuir Jesus.