4ª Semana Tempu Komún: Sábadu, loron 8 fulan Fevereiro 2025, February 8, 2025
Reflection on the WORD
Maluk sira mak Kristu hadomi,
“Hamlahak ba Salvasaun” – Fiar: Iha Evangelho ohin nian, ema lubun boot hamlahak atu rona Lia-loos Evangelho nian ne’ebé Jesus haklaken. Reflete, “Karik ita reflete kona-ba ita-nia moris kle’an liu-tán, ita mós sei deskobre katak ita-nia fuan mós hakarak tebes Lia-loos Salvasaun Eterna nian.La iha buat ida iha mundu ne'ebé nakonu ho materialismu, gratifikasaun no glória, bele hakonu ita-nia fuan nia hakarak ne’ebé kle'an liu.”
Mk 6:30-34
Milagre uluk paun ninian
30Apostolu sira fila halibur an ho Jesus, hodi haktuir ba Nia buat hotu nebe sira halo no hanorin.31Nia lia tun ba sira dehan: “Mai mesak ba fatin fuik ida atu tur halimar uitoan.” Basa ema barak tebes la'o mai la'o ba, sira la biban atu han. 32Sira sa'e ro hodi hadook an ba fatin fuik ida. 33Ema hare sira dada an, no ema barak hatene kedas. Nune'e, housi knua sira hotu, ema barak halai housi rai, no to'o uluk liu sira iha fatin neba. 34Wainhira Jesus tun housi ro, Nia hetan ema lubun boot ida. Nia hanoin ema sira ne'e teb-tebes, basa sira hanesan bibi nebe bibi atan la iha. Nia hahu hanorin sira buat barak.
Today's Pointers on God's Word
As you read the passage what words, phases or meanings caught your attention?
- Iha Evangelho ohin nian, Jesus sente laran-sadi’a wainhira Nia hare ema lubun boot buka Nia ho entuziasmu (laran-manas) basá Nia mak Bibi-Atan Diʼak neʼebé tau-matan ba nia bibi sira.
- Bolu atu tuir Jesus, ita hanesan Kristu iha ita-nia moris lor-loron nian ka lae? Ita sensitivu ba sentimentus no nesesidades maluk sira ne’ebé iha ita nia leet ka lae? Dala barak buat ki’ik sira de’it mak presiza, hanesan ita nia hamnasa ka ita nia lia-fuan amigavel.
- Reza ba Grasa atu husik tiha ba kotuk ita nia egoismu no atu serbí iha buat ki’ik sira ho domin boot.