4ª Semana Tempu Komún: Tersa-Feira, loron 4 fulan Fevereiro 2025, February 4, 2025
Reflection on the WORD
Maluk sira mak Kristu hadomi,
“Fiar iha Jesus”: Iha Evangelho ohin nian, Jesus hamoris fali Jairo nia oan-feto. Jesus asegura Jairo katak Jairo nia oan feto la mate. . . Reflete, “wainhira situasaun sira iha ita-nia moris hatudu sinal laiha kbiit no la iha esperansatomak, keta dúvida katak Jesus bele nafatin halo milagre sira, tanba Nia Domin Kompasivu ba ita, hanesan Nia halo ba Jairo. Ita limita Maromak Nia Domin, wainhira ita la barani atu fiar tomak ba Nia.”
Mk 5:21-24a, 35b-38a, 40b-42
Jairo nia oan feto
21Wainhira Jesus hakur fali iha ro laran ba tasi nia sorin balun, ema lubun boot hakbesik hale’u Nia. Nia hamriik iha tasi ibun. 22Na’i ulun sinagoga nian ida, naran Jairo, to'o mai. Hare tiha Jesus, nia monu ain 23hodi husu nune'e, “Ha’u oan feto besik atu mate. Hiit an mai ba, tau liman ba nia atu soi nia, nune'e nia bele moris.” 24Jesus la'o hamutuk ho nia. Ema lubun boot tuir Nia. Ema ida-ida buka atu hakbesik Nia. 35Jesus sei koalia hela wainhira ema sira housi na’i ulun sinagoga nian nia uma mosu mai hodi dehan: “Na’i, ita boot nia oan feto mate ona. Tansa ita boot hakole tan Mestre?” 36Maibe, rona tiha liafuan hirak ne'e, Jesus dehan ba sinagoga nia na’i ulun, “O keta tauk. Fiar deit ba.” 37Nia la husik ema ida tuir Nia. Nia lori deit Pedro, Tiago no Joao, Tiago nia alin. 38 Sira to'o tiha na’i ulun sinagoga nian nia uma, Jesus hetan ema barak book an maka’as; hodi tanis, no hakilar. 40Sira hasara Nia. Nia haruka sira sai hotu. Nia lori labarik nia aman no inan, ho tan sira nebe mai hamutuk ho Nia ba fatin nebe labarik hela. 41Nia kaer labarik nia liman hodi dehan ba nia, “Talitha, kum!” katak “Noy, hamriik ba.” 42Labarik feto ne'e hamriik kedas hodi hahu la'o mai la'o ba, basa nia iha ona tinan sanulu resin rua. Ema hotu hakfodak no bilan teb-tebes.
Today's Pointers on God's Word
As you read the passage what words, phases or meanings caught your attention?
- Jairo fiar metin katak Jesus sei halo moris fali nia oan feto ne’ebé mate ona wainhira Jesus dehan ba nia “Keta ta’uk; iha de'it fiar.”
- Wainhira krize boot sira mosu mai ita, ita sei husu tulun ba Maromak maka’as liu-tan. Maromak sei intervein iha dalan ne’ebé di'ak liu, wainhira ita fiar no konfia ho laran katak Nia de'it mak ita-nia esperansa salvasaun nian.
- Ita-nia fiar nia profundade hatudu liu-husi dalan neʼebé ita hatán ba dezafiu no krize sira iha ita-nia moris. Reflete kle’an kona-ba ida-ne'e no ko’alia ba Jesús kona-ba moras sira iha ita nia moris no husu ba Nia grasa no forsa atu persevera liu-hosi ita nia fiar ne’ebé kle'an iha Nia.